आज पाऊस हिरवा, प्रिये प्रेमाचा बरवा 

नभ उतरोनी आले संगे घेओनि गारवा

आज पाऊस हिरवा, प्रिये प्रेमाचा बरवा 

पाना-पाना-फुलांवरी बरसे थेंब नाचरा 

आज पाऊस हिरवा, प्रिये प्रेमाचा बरवा 

मना-मनातल्या तारा छेडी राग मारवा 

आज पाऊस हिरवा, प्रिये प्रेमाचा बरवा 

तुझ्या-माझ्या ओंजळीत आज प्रीतीचा चांदवा 

आज पाऊस हिरवा, प्रिये प्रेमाचा बरवा 

नसा-नसात भिनला तव श्वासाचा गोडवा 

आज पाऊस हिरवा, प्रिये प्रेमाचा बरवा 

अंग अंग चेतवूनी लाभे भाव कोवळा 

आज पाऊस हिरवा, प्रिये प्रेमाचा बरवा 

तुझ्या-माझ्या पापणीत रंगे स्वप्नांचा सोहळा...

गहिरं प्रेम, गहिरा रंग
गहिर्या प्रीतीचा गहिरा छंद

गहिरं नातं, गहिरा हर्ष 
गहिर्या भावाचा हळुवार स्पर्श 

गहिरी वाट, गहिरा काळोख
स्मृतीत दाटणारी गहिरी ओळख

गहिरा मेघ, गहिरा चंद्र
अश्रूतून झिरपणारा गहिरा क्रंद

गहिरे आभाळ, गहिरे पाणी
गहिर्या मनाची गहिरी कहाणी

गहिरा पाऊस, गहिरी वीज
पावसात जळणारा तो एकटा मीच…